Феликс се враќа во Бенфика

Напаѓачот на Челси и Португалија, Жоао Феликс, постигнал принципиелен договор со Бенфика за неговиот трансфер во клубот, објави новинарот Николо Шира на своите социјални мрежи.

Според изворот, откако постигнал договор со португалскиот клуб, тој е во преговори со „сините“ за финализирање на договорот.

Фудбалерот беше во Бенфика од 2015 до 2019 година, по што се пресели во Атлетико Мадрид за 127,5 милиони евра, но не успеа да се етаблира во тимот на Диего Симеоне.

Напаѓачот на Челси помина половина од минатата сезона во Милан, постигнувајќи два гола на 15 натпревари од Серија А.