Напиток од куркума и ѓумбир: Природен еликсир за енергија и освежување
Ѓумбирот и куркумата, со својата силна арома и лековити својства, во комбинација со цитрусно овошје, морков и мед, претставуваат не само здрав избор туку и неодолив летен ритуал. Овие состојки со векови имаат посебно место во традиционалната медицина, а денес добиваат современа форма во вид на ладно цедени сокови, прилагодени на урбаниот начин на живот.
Состојки:
корен од куркума (приближно 5 см)
корен од ѓумбир (приближно 5 см)
прстофат црн бибер
300 мл вода
1 портокал
Подготовка:
Излупете и ситно исечкајте ги куркумата и ѓумбирот. Излупете и исечете го портокалот. Ставете ги сите состојки во блендер, додајте вода и бибер, и миксирајте додека не добиете мазна смеса.
Процедете ја смесата преку цедалка или газа и истурете ја во стаклена тегла. Чувајте во фрижидер до 5 дена.
Златната сила на природата во течна форма
Куркумата, се почесто нарекувана „златен зачин“, не само што придонесува за препознатливата боја на детокс напитоците, туку и го зајакнува телото одвнатре.
Освежување кое го оживува телото и духот
Ѓумбирот е познат по тоа што моментално го загрева организмот, ја поттикнува циркулацијата и го намалува чувството на тромавост. Неговиот интензивен вкус не само што освежува, туку и ги буди сетилата, додека истовремено има благотворно дејство врз дигестивниот систем.
Овој напиток е идеален сојузник во летните месеци, кога телото природно бара олеснување од тешка храна и побавен метаболизам. Во комбинација со цитруси и мед, ѓумбирот создава пијалок кој хидрира, ја зголемува енергијата и дава природна заштита од воспалителни процеси.