Координаторот на пратеничката група на Европскиот фронт, Блерим Беџети го демантира вицепремиерот Изет Меџити дека се уапсени навивачите кои упатија националистички скандирања на натпреварот меѓу Македонија и Романија.
-Уапсениот нема никаква врска со шовинистичките повици за време на натпреварот во Куманово како што тврди Меџити. Според официјалните информации од самото Министерство за внатрешни работи, тој е приведен поради обид за поставување транспарент со навредлива содржина. Меџити до кога ќе продолжуваш да го потценуваш јавното мислење со ниски манипулации и намерни лаги, праша Беџети.
Според пратеникот, „позитивниот развој“ кој Меџити го претстави како апсење за „шовинистички повици“ во Куманово, се покажа како „обична лага создадена за внатрешна потрошувачка и за прикривање на неговите политички неуспеси“.
-Манипулацијата не е стратегија, туку очај, потенцира Беџети.
Меџити ја поздрави реакцијата на полицијата, при што објави на социјалните мрежи дека е уапсен еден од одговорните за навредливите скандирања. Сепак од МВР се уште не излегоа со таква официјална информација – само соопштија дека веќе се повикани неколку осомничени лица со кои што е извршен службен разговор.
Меџити: Уапсен еден од одговорните за антиалбанските скандирања во Куманово