„Контрапродуктивно“: Германија во моментов не размислува за признавање на Палестина

Германската влада соопшти дека во моментов нема планови да признае палестинска држава, велејќи дека таков потег би ги ослабнал напорите за постигнување договорено решение за две држави со Израел.

„Решението за две држави останува наша цел, иако денес изгледа далечно“, изјави портпаролот на владата на редовната прес-конференција, објави Ројтерс.

„Признавањето на палестинска држава веројатно треба да дојде на крајот – одлуката во овој момент би била доста контрапродуктивна“, изјави портпаролот на владата на редовната прес-конференција, објави Ројтерс.

Изјавата доаѓа во време кога некои западни земји, вклучувајќи ги Австралија, Велика Британија, Франција и Канада, навестија можност за признавање на Палестина, со различни услови.