Кина е подготвена да учествува во мировна мисија со мандат на ОН во Украина

Кина изрази подготвеност да учествува во мировни трупи во Украина, под услов мисијата да биде одобрена од Обединетите нации, пишува германскиот весник „Велт“, повикувајќи се на извори од Европската Унија запознаени со деталите.

Оваа идеја на Пекинг наидува на поделени мислења во Брисел, бидејќи постои страв дека Кина ќе ја искористи оваа позиција за шпионажа или дека, во случај на ескалација, ќе заземе проруски став наместо неутрален, изјавил дипломатски извор од ЕУ за „Велт“.

Дополнителен проблем за ЕУ ​​е што повеќето земји не се склони да одобрат мисија со мандат на ОН од различни причини, додадоа изворите.