Според извештајот на порталот „JESMB“, Mercedes би можел да ја лансира целосно електричната E-класа (E-класа EQ) веќе во 2027 година, порано од првично планираното.
Наместо да чека на развојот на новата платформа MB.EA-L, производителот наводно ќе ја користи платформата MB.EA-M, која ќе биде достапна порано. Оваа платформа ќе дебитира со моделот GLC EQ на IAA во септември 2025 година.
Електричната E-класа ќе го следи дизајнот на новиот електричен GLC, вклучувајќи осветлена решетка. Интересно е што сегашниот електричен модел EQE ќе добие значително освежување напролет 2026 година со модернизирана платформа EVA2M која носи 800-волтна технологија за побрзо полнење и поголем досег.
Според истиот извор, постојната E-класа со мотори со внатрешно согорување ќе продолжи да се произведува и по 2027 година, паралелно со новата електрична верзија. Значи, за среќа, ознаки како E 220 d ќе гледаме уште долго време.