DS официјално го претстави целосно електричниот кросовер No.4 E-Tense, наследник на DS4, позициониран помеѓу компактен хечбек и SUV со целосна големина, и споредлив со Hyundai Ioniq 5 и Kia EV6.
DS No.4 E-Tense е опремен со батерија од 58,3 kWh, која обезбедува досег до 450 километри (WLTP). Батеријата се состои од 18 модули со подобрена хемија за зголемување на густината на енергијата и ефикасноста на просторот. Досега е објавена само една верзија со електричен мотор поставен напред, кој испорачува 213 КС и 343 Nm вртежен момент. Забрзувањето од 0 до 100 km/h трае 7,1 секунда.
Поддржан е брз полнач со моќност до 120 KW, така што батеријата се полни од 20 до 80 проценти од својот капацитет за 30 минути, додека полнењето од 11 минути е доволно за да се поминат 100 километри.
Автомобилот е долг 4.400 милиметри, широк 1.830 и висок 1.470 милиметри, додека меѓуоскиното растојание е 2.680 милиметри. Капацитетот на багажникот е 390 литри, односно 1.260 литри со склопени задни седишта.
Во зависност од пакетот опрема, No.4 E-Tense може да има head-up дисплеј, инфрацрвена камера и Iris систем со ChatGPT поддршка и гласовна контрола. Достапни се и дигитална инструмент табла со 10-инчен мултимедијален систем и V2L функција што овозможува полнење на надворешни уреди преку батеријата на возилото.
Продажбата започнува во четвртиот квартал.