Самитот на лидерите на Европската политичка заедница се одржува во Копенхаген, а пред почетокот на формалната програма, камерите забележаа интересен момент помеѓу албанскиот премиер Еди Рама, азербејџанскиот претседател Илхам Алиев и францускиот претседател Емануел Макрон.
Имено, Макрон разговарал со Алиев кога Рама му се приближил и решил да се пошегува за американскиот претседател Доналд Трамп, кој во неколку јавни настапи ја нарекувал Ерменија Албанија.
„Треба да ни честитате. Трамп го запре конфликтот меѓу нашите две земји“, му рекол Рама на Макрон, покажувајќи кон Алиев.
🇦🇱🇦🇿🇫🇷 Albanian PM to Macron:
"You should congratulate Ilham Aliyev and me. Trump has ended the conflict between us." pic.twitter.com/UjkLTnPF5Y
— MAKS 25 🇺🇦👀 (@Maks_NAFO_FELLA) October 2, 2025
Секако, конфликтот за кој Трамп тврди дека го запрел се случил меѓу Ерменија и Азербејџан.
Овие две земји се во војна со децении, која последен пат се засили во 2023 година, а тие потпишаа формален крај на конфликтот на почетокот на август во Белата куќа.
Трамп често го наведуваше овој пример како доказ дека е „претседател кој создава мир“, но во неколку настапи се осврна на Албанија наместо на Ерменија, а неколку пати кажа „Абербајџан“ наместо на Азербејџан.