На митингот на коалицијата ВЛЕН за локалните избори во општина Арачиново, еден од лидерите на коалицијата и кандидат за градоначалник на Општина Чаир, Изет Меџити, одговори на изјавите на неговиот противник Бујар Османи, поканувајќи го повторно на јавно соочување пред граѓаните.
Меџити додаде дека неговиот противник, откако видел дека губи, се обидува да создаде лажен впечаток.
„Толку многу се контрадикторни и не знаат за што зборуваат. На почетокот на кампањата јавно го поканив мојот противкандидат да излезе на телевизиски дуел, да се соочиме еден со друг бидејќи ВЛЕН донесе конкуренција меѓу Албанците, конкуренција на албанската политичка сцена, но конкуренција во идеи, во програми, па затоа треба да биде политички натпревар кој ќе направи повеќе за Арачиново, кој ќе направи повеќе за Чаир, за нашите општини. Неговиот одговор беше: „Не, ќе излезам на телевизиски дуел со Мицкоски, нема да излезам со вас“. Додека вчера и завчера го слушнав, кога виде дека ја губи битката, кога немаше што повеќе да изгуби, отиде и зборуваше пред МРТВ, „сега јас дојдов тука, Изет не дојде“. И јас одговорив писмено, но ќе го искористам Арачиново, непоразената тврдина за да му кажам: Бујар, избери го местото, избери го медиумот, себеси, заедно со Али Ахмети, заедно со Артан Груби, заедно со твојот тим, заедно со ПР агенциите што ги имате, на плоштад, каде што сакате ќе дојдам, ќе се соочиме со политички аргументи, со нашите идеи, со нашите проекти, со нашата програма, со нашата визија“, порачал меѓу другото Меџити.
Кандидатот за градоначалник на Општина Чаир, Бујар Османи, во одговор на новинарско прашање уште еднаш реагираше поради одбивањето на неговиот противкандидат Меџити да учествува на телевизиски дуели.
„Јас го штедев Меџити веќе неколку недели, бидејќи тој ги има одбиено сите претходни покани за дебати. Ја одби поканата на Телма, на ТВ24, како и на косовскиот медиум на Јета Џара”, изјави вчера Османи.
Тој посочи дека Меџити дури испратил известување до сите медиуми на албански јазик дека нема да учествува на дебати, што според Османи, е доказ дека се плаши од директно соочување и одговорност за своите политики.