„Одењето во Москва токму сега не е вистинската порака до Путин, бидејќи времето и контекстот се важни“, изјави портпаролката на Европската Комисија, Анита Хипер, кога беше прашана за посетата на унгарскиот министер за надворешни работи, Петер Сијарто, на руската престолнина денес.
„Секои билатерални контакти меѓу земјите-членки мора да бидат во согласност со позициите и политиките на ЕУ, особено кога ги намалуваме односите со нив на минимум“, додаде Хипер.
„Затоа континуирано работиме на санкции и зголемување на помошта за Украина“, додаде таа.
Во своите забелешки, Сијарто истакна дека Русија никогаш не ја измамила неговата земја, нејзините енергетски резерви се важни за Унгарија, а плановите на Европската комисија не се совпаѓаат со оние на Унгарија.