Принцот Вилијам и принцезата Кејт решени да ја заштитат монархијата по скандалот со принцот Ендру

Британскиот принц Вилијам и принцезата Кејт Мидлтон се порешени од кога било да го заштитат наследството на кралското семејство и да го поддржат кралот Чарлс по скандалот со принцот Ендру, откри британската новинарка Хелена Чард.

Како што изјави таа, принцот и принцезата од Велс, кои ја претставуваат иднината на британското кралско семејство, ќе спроведат нулта толеранција и построги правила во рамките на монархијата за да спречат идни скандали, објави Фокс њуз.

„Принцот Вилијам е особено незадоволен од начинот на кој моментално се справува со ситуацијата околу принцот Ендру“, рече Чард, додавајќи дека гледа дека сето ова му штети на угледот на кралското семејство и дека е решен да заземе цврст став во борбата против идните скандали.