Руската група Лукоил денес објави дека има намера да ги продаде своите меѓународни средства „поради воведувањето рестриктивни мерки против компанијата и нејзините подружници од страна на некои земји“. Соопштението беше објавено на веб-страницата на концернот.
Компанијата додаде дека започна разгледувањето на понудите од потенцијални купувачи.
Продажбата на средствата се спроведува според лиценца за прекинување на активноста издадена од Канцеларијата за контрола на странски средства (OFAC) на Министерството за финансии на САД. Доколку е потребно, компанијата планира да поднесе барање за продолжување на лиценцата за да се обезбеди континуирано работење на своите меѓународни средства, се додава во соопштението.
САД воведоа санкции врз двете најголеми руски нафтени компании Роснефт и Лукоил поради војната во Украина минатата недела.