Поранешниот Национален координатор на Владата за „Отворен Балкан“ и за регионални иницијативи, Марјан Забрчанец е дециден дека „Отворен Балкан“ беше иницијатива која директно водеше кон формирање „единствен заеднички економски простор“ на Западен Балкан со цел регионот да стане поконкурентен за привлекување големи инвестиции и со цел граѓаните и фирмите полесно да ги движат своите услуги, стоки и производи.
-За жал, новата македонска Влада веќе година и половина не покажува никаква нова своја иницијатива на тема Отворен Балкан или за регионално економско поврзување, истакнува поранешниот национален координатор во разговор за „Локално“, додавајќи дека реалноста вели како „граѓаните и фирмите го поддржуваа, а властите се откажаа од Отворениот Балкан“.