Европската комисија денес презентираше предлог за распоредување брзи железнички линии во ЕУ до 2040 година, вклучувајќи ја и трасата помеѓу Софија и Атина. Се очекува оваа линија да обезбеди патување од шест часа, наместо 13 часа и 40 минути, како што е денес.
Останатите брзи делници предвидени во планот се на линиите Будимпешта-Букурешт, Берлин-Копенхаген, Берлин-Виена-Прага, Париз-Мадрид-Лисабон, Минхен-Рим, како и помеѓу балтичките држави. Целта е да се постигнат брзини од најмалку 200 километри на час при развојот на линиите. Предлогот на Комисијата, исто така, вклучува подобрување на можностите за купување билети и за продажба на половни машини и вагони.
Главната цел на промените е да се замени воздушниот сообраќај на кратки релации со цел да се намали загадувањето на животната средина. Комисијата забележува дека промените би довело до намалување на сообраќајните метежи и проширување на опциите за воена мобилност.
Во соопштението се наведува дека ЕК планира да обезбеди речиси три милијарди евра за развој на „чисти“ горива за авијација до 2027 година. До 2035 година се планира да се издвојат 100 милијарди евра за оваа намена.