Американскиот синџир за брза храна „Мекдоналдс“ регистрираше седум трговски марки во Русија кои ги покриваат неговите познати производи и услуги, според податоците на Роспатентот.
Трговските марки се „Биг Мек“, „Биг Тејсти“, „Ројал Чизбургер“, „Квартер Паундер“, „МекФреш“, „МекФлури“ и „МекДеливери“, пренесе ТАСС.
Сите апликации беа поднесени од Соединетите Американски Држави во декември 2024 година, а одлуката за регистрација беше донесена оваа година. Регистрациите истекуваат во 2034 година.
„Мекдоналдс“ го напушти рускиот пазар во пролетта 2022 година, откако започна конфликтот во Украина и беа воведени западни санкции врз Москва.
Сите ресторани беа затворени во тоа време, а во мај истата година компанијата објави дека целосно ја напушта Русија.
Руските средства на „Мекдоналдс“ беа купени од бизнисменот Александар Говор, кој отвори ресторани за брза храна под новиот бренд „Вкусно и точка“ во јуни 2022 година.