„Алфабет“ достигна пазарна вредност од 4 трилиони долари

„Алфабет“ денес достигна пазарна вредност од 4 трилиони долари, откако акциите пораснаа за повеќе од пет проценти на рекордни 315,9 долари по акција.

Акциите на американскиот конгломерат пораснаа за речиси 70 проценти досега оваа година, далеку надминувајќи ги конкурентите во областа на вештачката интелигенција, „Мајкрософт“ и „Амазон“, објави „Ројтерс“.

„Алфабет“ сега е само четвртата компанија што се приклучува на ексклузивниот клуб, откако нејзиниот „Гугл“ брзо расте поттикнат од вештачката интелигенција.