Полска армија: Завршени се операциите поврзани со најновите руски напади врз Киев

Оперативната команда на полските вооружени сили денес објави дека завршиле воените операции во полскиот воздушен простор поврзани со најновите руски напади врз украинскиот главен град Киев.

Како што е наведено, за време на еден од најмасовните руски напади врз Киев од почетокот на конфликтот, не се регистрирани никакви повреди на полскиот воздушен простор, објави агенцијата ПАП.

„Воените операции во полскиот воздушен простор поврзани со нападите на Руската Федерација врз Украина се завршени. Копнените системи за воздушна одбрана и радарско извидување ги продолжија стандардните операции“, објави Командата.