Европскиот аерокосмички гигант Airbus им кажа на авиокомпаниите дека итните поправки на некои од неговите авиони А320 поради софтверска грешка би можеле да се извршат побрзо отколку што првично се сметаше, потврдија денес извори од компанијата.
Иако е јасно дека околу 6.000 авиони имаат потреба од поправки, бројот на авиони на кои ќе им треба долгорочна промена на хардверот, а не брза поправка на софтверот, се проценува дека е помал од првично проценетите 1.000, објави Ројтерс.
Неколку авиокомпании ширум светот откажаа летови поради проблеми со софтверот на авионите на Airbus. Компанијата претходно соопшти дека открила дека интензивната сончева светлина може да ги оштети податоците што се клучни за функционирањето на контролата на воздушниот сообраќај.
Многу авиокомпании, вклучувајќи ги Easyjet, British Airways, Aer Lingus, Lufthansa, American Airlines, Delta, WizzAir, Air France , All Nippon (АНА), потврдија дека се погодени од софтверски проблем на авионите од серијата А320 на Airbus.