Унгарскиот премиер Виктор Орбан изнел контроверзна визија за иднината на Украина, сугерирајќи дека по војната таа првенствено треба да биде тампон-држава помеѓу Русија и НАТО.
Во изјава за неделното издание на „Ди Велт“, објавена во петок, Орбан рекол дека територијалните отстапки кон Русија би биле неизбежни. Тој зборувал за повоеното решение, според кое областите договорени на меѓународната мировна конференција ќе останат под руска контрола, а сите области западно од таа линија, до источната украинска граница со НАТО, би ја сочинувале украинската држава во намалена форма.
Орбан, исто така, предложил ограничување на големината и капацитетот на украинските вооружени сили што дејствуваат во тампон-зоната.
Тој го изјави ова по посетата на Москва, каде што се сретна со рускиот претседател Владимир Путин со цел да се заложи за брз крај на конфликтот и го нагласи интересот на Унгарија за стабилно и поволно снабдување со енергија од Русија. Да потсетиме дека Орбан таму во петокот изјави дека Унгарија „не се откажала под надворешен притисок“ и најави дека ќе продолжи да соработува со Русија.
„Со оглед на моменталната политичка клима, навистина направивме многу во развојот на соработката меѓу нашите земји и се надевам дека заедно ќе направиме уште повеќе“, рекол Орбан, нагласувајќи дека ова е 14-ти пат како разговара со него како премиер на Унгарија.
Тој, исто така, истакнал дека е време да се заборават илузиите и да се соочиме со реалноста како што е претставена во мировниот план на САД од 28 точки. Тој предупредил дека одложувањето на договорот ќе и користи на Русија, а не на Украина, што би резултирало со понатамошно губење на територија и животи.
Унгарскиот премиерот, исто така укажал дека, според американскиот план, Русија постепено ќе се реинтегрира во глобалната економија и дека санкциите ќе бидат укинати со текот на времето. Покрај тоа, замрзнатите средства ќе се користат за формирање американско-руски инвестициски фонд и ќе се обнови економската соработка.
Орбан посочил дека европската поддршка за Украина е целосно на товар на населението, а не врз руските имоти. „Бајката дека Европејците ја финансираат војната со руски пари е завршена.“