Амбасадорот на Украина во Велика Британија и поранешен врховен командант на украинските вооружени сили, Валериј Залужни, повика на распоредување нуклеарно оружје во Украина.
Залужни, во авторски текст за британски „Телеграф“, напиша дека се сомнева во скорешен крај на борбите во Украина поради недостаток на „ефикасни безбедносни гаранции за Украина“.
Според него, таквите гаранции би можеле да вклучуваат – пристапување на Украина во НАТО, распоредување нуклеарно оружје на нејзина територија или голем сојузнички воен контингент.
Рускиот министер за надворешни работи Сергеј Лавров изјави во август дека, во согласност со Меморандумот од Будимпешта потпишан во 1994 година, Украина се откажала од своето нуклеарно оружје. Тој, исто така, нагласи дека документот е придружен со декларација за почитување на човековите права и принципите на ОБСЕ, кои беа прекршени од оние што дојдоа на власт во Украина во 2014 година.