Во тешка сообраќајна несреќа што се случи рано утрово на автопатот Белград – Ниш, во близина на клучката Умчари, две лица го загубија животот, додека трет патник е итно префрлен во болница со тешки повреди.
Според неофицијални информации, несреќата се случила кога автомобил „Сеат“ со германски регистарски таблички, под сè уште неразјаснети околности, излетал од патот. Се претпоставува дека возачот ја изгубил контролата врз возилото, удрил во заштитна ограда и сообраќаен знак покрај патот. Мажот и жената што биле во автомобилот починале на самото место.
Фотографијата од местото на настанот прикажува морничава сцена – предниот дел од возилото е целосно смачкан, речиси непрепознатлив. Силата на ударот и целосното уништување на автомобилот ја прикажуваат трагедијата што се случила.
Екипата за итни случаи можеше само да ја потврди смртта на жртвите, додека третиот патник, кој исто така бил во возилото, бил пренесен во најблиската медицинска установа со сериозни повреди, пренесоа српските медиуми.
Жртвите биле државјани на Македонија од албанско потекло. Се претпоставува дека патувале во транзит низ Србија.
Полицијата сè уште спроведува истрага за да ги утврди сите околности на несреќата и причините за трагедијата. Фотографијата што ја доби Телеграф ја покажува сериозноста на несреќата и обемот на ударот, додека истражителите продолжуваат да работат на реконструкција на настанот.