Евразиската економска унија (ЕАЕУ) го потврди својот статус како еден од независните центри на мултиполарниот свет во развој, изјави денес рускиот претседател Владимир Путин на состанокот на Врховниот евроазиски економски совет во тесен состав.
„Соработката во рамките на Евроазиската економска унија, која цврсто се етаблираше како еден од независните центри на мултиполарниот свет во развој, продолжува стабилно да се развива, меѓусебната трговија и размена на инвестиции се прошируваат, а врските за соработка меѓу учесниците во унијата се продлабочуваат“, рече тој, објави Спутник.
Путин додаде дека соработката во рамките на ЕАЕУ помага да се обезбеди економска стабилност и одржливост на петте земји и целиот евроазиски регион, што е особено важно во услови на турбуленции во глобалната економија.