Филмската компанија Paramount-Skydance додаде „неотповиклива лична гаранција“ во својата понуда за купување на Warner Bros. Discovery, објави Associated Press. Синоќа, Лари Елисон, основачот на Oracle и татко на Дејвид Елисон, извршен директор на Paramount, објави дека гарантира исплата од 40,4 милијарди долари, како и покривање на сите потенцијални побарувања за отштета. Ова се случува иако одборот на директори на Warner ја претпочита понудата на Netflix.
Paramount нагласи дека Лари Елисон го држи поголемиот дел од средствата на фондот и дека Warner Bros. Discovery првично не барал лична гаранција. Сепак, Елисон рече дека бидејќи сега бараат таква, тој ќе ја обезбеди.
Во писмо до акционерите минатата недела, одборот на директори на Warner го искажа својот став дека условите за спојување со Netflix се подобри, додека „понудата на Paramount-Skydance е илузорна“. Останува проценета на 30 долари по акција, но новиот рок за акционерите да поднесат понуди е 21 јануари.
Понудата на Paramount во готово за сите средства на Warner – вклучувајќи мрежи како CNN и Discovery – е проценета на 77,9 милијарди долари, без да се вклучени долговите. Paramount сака да ја купи целата компанија, додека Netflix е заинтересиран само за студиото, стриминг услугата и HBO. Netflix соопшти дека веќе се подготвува за договорот и рефинансира дел од својот мостовен заем од 59 милијарди долари за планираното преземање.
Акциите на Paramount-Skydance последователно пораснаа за повеќе од 5% во понеделникот наутро. Акциите на Warner Bros. Discovery пораснаа за речиси 3%, додека Netflix паднаа за околу 0,7%.