Пронајден телефон во келијата на сопственикот на „Пулс“, доби опомена од судијката

Пронајден мобилен телефон „Нокиа“ со сим-картичка во келијата на првообвинетиот Дејан Јованов – Деко, сопственик на дискотеката „Пулс“ во Кочани. Ова денеска беше соопштено на рочиштето од судскиот процес за големата трагедија од страна на судијката Дијана Груевска Илиевска.

Јованов се наоѓа во притвор во затворот во Куманово.

Судијката додаде дека овој пат ќе му изрече само опомена, но оти ако се случи повторно, ќе му забрани да прима посети.

На денешното рочиште, кое започна со половина час задоцнување, поради доцнење на еден од адвокатите од одбраната, треба да бидат сослушани тројца сведоци – законски застапници  на оштетените.