Молдавија и Украина станаа дел од роаминг зоната на ЕУ, според информациите објавени од европската комесарка за проширување, „Марта Кос.
„Добредојдовте Молдавија и Украина во роаминг зоната на ЕУ без дополнителни трошоци! Од денес можете да „роамирате како дома“, бидејќи ние ви подготвуваме дом во Европската Унија. Предностите на нашата Унија ги зближуваат Европејците низ целиот континент – дури и пред самото пристапување во ЕУ“, напиша Кос на социјалната мрежа „X“.
Welcome Moldova and Ukraine to the EU roaming free area!
As of today, you can ‘roam like at home’ because we are preparing a home for you in the European Union.
The benefits of our Union bring Europeans across the continent closer together – also ahead of EU accession. pic.twitter.com/LiJaSaApoS
— Marta Kos (@MartaKosEU) January 1, 2026
Околу ова исто прашање, пред повеќе од месец, министерот за дигитална трансформација, Стефан Андоновски истакна дека Македонија активно работи на приклучување кон роаминг-зоната , со цел граѓаните да ги користат мобилните услуги во странство под исти услови како дома. Тој додаде дека ако Македонија не успее да го реализира ова како дел од пакетот следната година, ќе се пристапи и кон билатерални разговори со земјите каде што граѓаните најчесто патуваат, слично како што направија Украина и Молдавија.