Владата на Вучиќ нема да се смени со физички напад врз Ана Бекута, а Србија не се менува на подобро со фрлање снежни топки врз жена. Сакаме да изградиме пристојна Србија, а фрлањето снежни топки врз Бекута е многу повеќе израз на грубост и насилство отколку каков било политички став, реагира поранешниот претседател на Србија, Борис Тадиќ, на случувањата во Чачак за време на настапот на српската пејачка.
„Ако граѓаните се незадоволни од тоа колку пари се издвоени од буџетот за концертот, тогаш можеби треба храбро да организираат протест против оние што донесуваат одлуки за буџетот, наместо да го изразуваат своето неџентлменско незадоволство со физички напад врз Ана Бекута.
На крајот на краиштата, Бекута не пееше на политички митинг синоќа, туку на концерт. Сепак, без оглед на тоа, јас сум против изразување политички став преку физички напади во која било ситуација, особено напади врз жени. Ана Бекута не е политичарка, туку пред сè жена со исклучителна кариера и талент.
По повод овој тажен инцидент, да се потсетиме дека целта на нашата борба е да изградиме подобро и попристојно општество. Поддршката на таков напад сигурно не придонесува кон таа цел. Србија има онолку шанси за подобра иднина колку што ние се разликуваме од она против што се бориме“, додаде Тадиќ.