Сè поголем број млади луѓе купуваат iPhone 4, кој беше издаден во 2010 година. Тие го преземаат овој чекор поради камерата. Имено, во моментов е популарно да се објавуваат фотографии со слаб квалитет на социјалните мрежи.
„iPhone 4 е новиот дигитален фотоапарат“, „Фотографиите како оваа се најдобри“, „Мојот Инстаграм профил сега изгледа совршено“, се некои од коментарите.
Овој телефон се продава за илјадници долари во користена или нова состојба на страници за препродажба како eBay бидејќи бројот на носталгични купувачи се зголемува.
Сепак, експертите предупредуваат дека користењето постари телефони може да претставува безбедносен ризик. Ли Елиот од „Compare and Recycle“ ги предупреди корисниците да не внесуваат никакви лични информации на уредот, вклучително и најавување во какви било апликации.
Постарите модели не се дизајнирани да ги заштитат корисниците од собирање податоци и немаат софтвер за користење на многу ажурирани апликации.
„Последната верзија на iOS што ја поддржува iPhone 4 е iOS 7.1.2 – верзија објавена во 2014 година. Тоа е повеќе од една деценија без ажурирања или безбедносни закрпи. Како резултат на тоа, iPhone 4 нема да може да заштити никакви лични информации на начинот на кој го прават тоа посовремените iPhone-и, оставајќи ги корисниците ранливи на проблеми како што се протекување на податоци, хакирање и други безбедносни недостатоци“, изјави тој за „Њујорк пост“.