Иницијативата е поднесена од пратеничката група „Патриоти за Европа“, а повод е трговскиот договор со земјите од Латинска Америка.
Како што пренесува порталот Politico, Фон дер Лајен одлучила да не присуствува на дебатата за недоверба. Наместо неа, Европската комисија ќе ја претставува еврокомесарот за трговија Марош Шефчович.
Гласањето, за кое се смета дека нема да помине, е закажано за четврток.
Во претходните постапки за изгласување недоверба, Фон дер Лајен заедно со своите 26 комесари беше присутна во Европскиот парламент, со цел да се демонстрира единство. Овојпат пораката е поинаква, а Европската комисија сигнализира дека „повеќе не се игра“, имајќи предвид дека овој парламентарен инструмент минатата година беше употребен трипати и сите три обиди пропаднаа.