Извршниот директор на „Мета“, Марк Закерберг, денес ќе биде испрашуван пред американски суд за прв пат за влијанието на платформата Инстаграм врз менталното здравје на младите корисници.
Ројтерс објави дека сослушувањето е дел од големото судење за зависноста на младите од социјалните медиуми. Милијардерот основач на „Фејсбук“ претходно сведочеше на оваа тема пред Конгресот.
„Мета“ би можела да мора да плати отштета ако го изгуби случајот, а пресудата би можела да ја загрози долгогодишната правна одбрана на големите технолошки компании од тврдења за штета на корисниците.
Овaa и други слични тужби се дел од глобалната реакција против социјалните медиуми поради менталното здравје на децата.
Австралија и Шпанија им забранија пристап на платформите на корисниците под 16 години, а други земји размислуваат за слични ограничувања.
Американската држава Флорида им забрани на компаниите да им дозволуваат на корисниците под 14 години пристап до нив, потег што технолошките групи се обидуваат да го оспорат на суд.