Американското воено присуство на Крит се зголемува. Десетици борбени авиони слетуваат поради тензиите со Иран.
Десетици борбени авиони Ф-35 се стационирани во воздухопловната база Суда на Крит, како и летачки танкер за опслужување на авионите. Според коментарите во грчките медиуми, оваа активност е поврзана со тензиите меѓу САД и Иран. И британски борбени авиони се очекуваат во Суда. Постои ризик од поширок конфликт и политички последици, предупредуваат пратениците од опозицијата.
Грчките медиуми објавија соопштение од иранското Министерство за надворешни работи, според кое „морнариците и воздухопловните сили на сите европски земји се класифицирани како „терористички организации“.
Според воените експерти во Грција, во случај на евентуална ескалација на тензиите, воздухопловната база Суда на Крит би можела да стане потенцијална цел за Иран. Се претпоставува дека воздухопловната база Каламата, каде што се одржуваат меѓународни вежби, е исто така под закана.
Досега нема официјални изјави од Иран за конкретни акции против териториите на европските земји. Грчките воени претставници коментираат дека овие остри изјави од Техеран треба да се сфатат како дипломатски притисок, а не како реална воена закана.