Франција презеде мерки за да го спречи американскиот претставник Чарлс Кушнер да има пристап до владини министри откако тој не одговори на повикот од француското Министерство за надворешни работи во понеделник да ги објасни коментарите што ги даде за убиството на екстремно десничарскиот активист Квентин Деранко (23), изјави францускиот министер за надворешни работи Жан-Ноел Баро.
„Тој ќе мора да разговара со нас и со Министерството за надворешни работи за да може нормално да ги извршува своите должности како амбасадор во Франција“, изјави Баро за радио Франс Инфо, објави Ројтерс.
Француски извор рече дека, „соочен со очигледно неразбирање на основните очекувања на амбасадор кој има чест да ја претставува својата земја“, министерот побарал Кушнер, таткото на зетот на американскиот претседател Џаред Кушнер, повеќе да не му биде дозволен директен пристап до членовите на француската влада.
„По објавувањето на коментарите на амбасадата на САД за трагедијата што се случи во Франција и се однесува исклучиво на нашата внатрешна дебата, која не дозволуваме да биде злоупотребена, Кушнер беше повикан во министерството. Тој не се појави“, рече дипломатскиот извор.
Деранк беше нападнат за време на тепачка што избувна меѓу поддржувачите на крајната левица и крајната десница на маргините на студентскиот митинг на кој главен говорник беше левичарската пратеничка Рима Хасан.
Тој почина од повреди на мозокот во болница минатата недела.
Смртта на Деранк предизвика бура од обвинувања, при што повеќето ја обвинуваа крајно левичарската партија „Франција Непокорена“ и нејзиниот лидер, Жан-Лук Меланшон.