20
Српскиот претседател Александар Вучиќ денес изјави дека Србија е подготвена да учествува во евакуацијата на своите граѓани од Дубаи и дека понудила да ѝ помогне на Босна и Херцеговина со своите авиони.
Обраќајќи се на новинарите од Националниот диспечерски центар на Српската електроенергетска компанија, Вучиќ рече дека оваа активност ќе зависи од текот на конфликтот на Блискиот Исток.
„Многу луѓе сакаат да се вратат од Дубаи, ние ќе го организираме тоа кога и како можеме. Имаме авиони, исто така ѝ понудивме на Босна и Херцеговина заедно да ги врати нашите граѓани. Но, тоа зависи и од опасноста и затворените аеродроми, од тоа дали летаат ракети. Не сакаме да ризикуваме животи на луѓе“, рече Вучиќ.