Амбасадорот на ЕУ во Македонија, Михалис Рокас бил пријатно изненаден од улична светилка, поставена во центарот на Скопје, за која вели дека изгледа како да ѝ пркоси на гравитацијата. Рокас на социјалната мрежа „Икс“ објави две фотографии од центарот на Скопје, во непосредна близина на зградата на Министерството за финансии и главните партиски простории на ВМРО-ДПМНЕ.
„Прошетка низ Скопје во близина на Министерството за финансии. Столб за улично осветлување што ѝ пркоси на гравитацијата! Многу работа за општинските власти…“, стои во објавата на Рокас.
Walking in Skopje close to the Ministry of Finance.
A lamppost defying gravity! Lots of work for the municipal authorities… pic.twitter.com/FfgttPwNoo— Michalis Rokas (@MichalisRokasEU) March 4, 2026
Рокас ја презеде функција во септември 2024 година и дојде на местото на неговиот претходник Дејвид Гир. Рокас пред да биде назначен во земјава, беше шеф на Делегацијата на ЕУ во Малезија, должност на која се наоѓаше од декември 2020 година.