Американскиот министер за финансии Скот Бесент во четврток изјави дека администрацијата на Трамп разгледува нови чекори за да се обиде да го ограничи зголемувањето на цените на нафтата и другите стоки додека војната со Иран продолжува, и навести за можноста за укинување на санкциите врз иранската нафта.
Бесент изјави за Фокс Бизнис дека владата „би можела да ги укине санкциите врз иранската нафта“ која веќе се наоѓа на море во вкупна количина од околу 140 милиони барели, и дека САД би можеле да ослободат дополнителна нафта од своите стратешки резерви.
„Во суштина ќе користиме ирански барели против Иранците за да ги одржиме цените ниски во следните 10 до 14 дена додека ја продолжуваме оваа кампања“, изјави Бесент, додавајќи дека администрацијата има „многу влијание“ и „многу други опции“ на располагање.
Министерот Бесент подоцна изјави дека Министерството за земјоделство „веројатно ќе објави нешто за ѓубривата во следните неколку дена“, бидејќи конфликтот на Блискиот Исток почнува да ги зголемува трошоците и за земјоделците.
Тој, исто така, сигнализираше нов оптимизам дека другите земји би можеле да помогнат во одржувањето на безбедноста на бродовите низ Ормутскиот теснец.
Во своето појавување во „Фокс бизнис“, Бесент рече дека очекува „разјаснување“ од НАТО и другите земји, вклучувајќи ги и сојузниците на САД во Азија, дека „нема директно да се вклучат во борбите“.
Сепак, досега одговорот на повикот на претседателот Трамп повеќе земји да помогнат во обезбедувањето на теснецот беше поприлично млак.