81
Moбилната верзија на Виндоус 10 ќе има клучно значење за влијанието на Мајкрософт во глобалниот пазар на паметни телефони во 2015 година. Компанијата веќе разработува нова ажурирана верзија на еден од најпопуларните модели, имено Лумиа 830. Податоците откриваат дека уредот ќе го задржи дизајнот на својот претходник, но ќе им понуди на корисниците многу тенки димензии, пренесоа Убергизмо.
Претстојниот паметен телефон на компанијата ќе работи под управување на нов мобилен софтвер, што веројатно значи Вин 10. Уредот исто така ќе има подобра камера, која ќе биде базирана на технологијата ПјурВју, но сеуште не знаеме каква ќе биде нејзината резолуција. Смартфонот нема да биде претставен како Лумиа 835, бидејќи Мајкрософт ќе се обложуваат на целосно различна шема во поставување на имиња на новите модели.
Ве потсетуваме дека Лумиа 830 има 5-инчен ХД дисплеј, 4-јадрен процесор со такт од 1.2Гхз, 10-мегапикселна камера и батерија со капацитет од 2.200 милиампер часови. Ќе биде интересно да се види дали компанијата ќе го покаже новиот модел на саемот МВЦ 2015, кој започнува на 2 март.