Контактни леќи од злато и дијаманти е најновата понуда на еден доктор од Мумбаи, Индија. Тој на своите клиенти им нуди блескави очи, како резултата на спојување на злато со вообичаените контактни леќи, објави “DailyMail”.
“Очите со блесок”, тежат 5 грама и чинат од 15.000 до 18.000 американски долари.
Откритието на еден од најпознатите очни центри во Индија – Shekhar Eye Research Center – се состои од 24-каратни честички кои во специјализирана форма на паста се додадени на нормалните очни леќи. За да се избегне контактот меѓу очите и златото, се применува дополнителен заштитен слој.
Д-р Chandrashekhar Chawan планира да започне дистрибуција и продажба на леќите надвор од Индија. Меѓутоа, како што се истакнува во извештајот на “DailyMail”, сè уште не е познато дали златните честички ќе влијаат врз видот. Според одредени тврдења, засега леќите се уште не се одобрени од страна на Прехранбената и Лекарската администрација на САД.
Опишувајќи ги своите дијамантски контактни леќи за USA Today, д-р Chawan вели дека добил “мешани реакции”. “Некои велат дека тоа изгледа страшно, но повеќето од луѓето ги сакаат”, вели тој.