78
Уште еднаш Фејсбук најде начин да си најде место меѓу водечките вести во голем број авторитетни технолошки изданија. Овој пат не станува збор за нова функција на социјалната мрежа или за нова пазарна трансакција, туку за нешто далеку посериозно, ориентирано кон корисниците.
Од Фејсбук решиле да преземат мерки во врска со спречувањето на самоубиства. За целта од компанијата открија дека оттука натаму секој корисник би можел да се поврзе со претставници на социјалната мрежа, во случај ако види загрижувачка содржина во профилот на свој познаник на интернет страницата. Следствено на тоа, психолози и експерти ќе бидат ангажирани во најбрзо време, за да може да биде постигнат контакт со човекот, за кого се смета дека би можел да посегне по својот живот.
За да биде успешна кампањата, од Фејсбук објавија дека ќе работат заедно со организации кои се занимаваат со менталното здравје на човекот, како што ФорФронт, Нау Матерс Нау, Сејв.орг и т.н.