Како да дознаете дали комшијата ви го краде Интернетот?

Доколку сакате да дознаете дали некој се „закачил“ без прашање на вашата безжична мрежа, еден сајт ви покажува едноставно решение.

„Вајрлес Нетворк Вачер“ (Wireless Network Watcher) е алатка која на компјутерите кои имаат Виндоус ОС ќе им овозможи преглед на сите уреди поврзани на вашата мрежа.

Иако инсталацијата и стартувањето на програмот се крајно едноставни, сепак треба малку детективска работа за да можете да ги откриете натрапниците.

Од помош секако ќе ви биде да погледнете во полињата на името на уредот (Device Name), информациите за него (Device Information) и упатство (User Text) која ќе ги покаже податоците за полесно идентификување.