Светските архитекти го отворија креативниот вентил на конкурсот за дизајн на нов мост над реката Темза во Лондон. Во декември минатата година, Советот на округот Вендсворт распиша интернационален натпревар за дизајн на нов мост над Темза, кој ќе ги спојува лондонските соседства Најн Елмс и Пимлико.
Повикот беше отворен за сите светски архитектонски студија со предуслов да се достави идејно решение за проект чиј дизајн ќе биде спој на убавата и иновативната архитектура со високата функционалност неопходна за еден ваков урбан проект за пешачки и велосипедски мост кој ќе ги поврзе двете познати соседства на спротивните страни на реката. Од стотици креативни предлози во првиот круг поминаа 74 најкреативни, впечатливи и несекојдневни дизајни. Победникот на натпреварот ќе биде оној кој ќе успее да допре најдлабоко до срцата на лондончаните кои се значително горди на својата река и нејзиното наследство.
Погледнете ги 15-те највпечатливи идејни решенија кои го заскокоткаа светскиот интерес за овој нов архитектонски проект во Лондон.
