86
Не сме сигурни дали Вил.Ај.Ем навистина се возбудува од технологија колку што демонстрира, но креативниот директор на Интел продолжува да зборува за нив. Откако одржа интересна кампања со Кока-Кола, тој зборуваше за 3Д печатењето пред списанието Дизен.
Според него, треба да се создадат нови морални и етички норми поврзани со 3Д печатењето. Тој се пошегува дека кога Мојсеј ги примил десетте заповеди, тие не вклучувале ништо поврзано со 3Д печатењето.
Музичарот е сигурен дека за десет години ќе можеме да печатиме мали парчиња човечко ткиво, а подоцна и многу повеќе. Според него тоа се докажува од Законот на Мур, макар што не сме сигурни каква е врската меѓу двете.
Поранешниот фронтмен на Блек Ајд Пис не ја отфрла и можноста за телепортирање преку 3Д печатење.