Какво би било чувството да вечерате во луксузен амбиент под вода, додека над вас пливаат различни океански жители?
Ресторанот Ithaa на Малдиви веќе цела една декада им овозможува на ентузијасти од целиот свет да добијат одговор на ова прашање.
Првиот подводен ресторан во светот, кој се наоѓа на островот Рангали слави 10 години од своето основање.
Тој е “потонат” 5 метри во водите на Индискиот Океан и се претворил во Мека за љубителите на храна, култура, архитектура и чудни искуства од целиот свет.
Името Ithaa се преведува како “бисер”, што никако не е случајно. Ресторанот има криви ѕидови и нуди панорамски поглед од 180-степени- вистински скапоцен камен меѓу подводниот свет. Гостите на локалот можат да уживаат во прекрасната блиска лагуна, гребени и тропски риби.
Малдивското чудо Ithaa повеќепати е признато за најубавиот ресторан во светот кој брзо се претвора во популарна туристичка атракција. Затоа не е изненадување што локалот е едно од најскапите и престижни места за јадење во светот. По повод својот роденден, 15-ти април, Ithaa ќе биде домаќин на специјалната сомелиерска вечера.