Пилулите се еден од најдобрите пријатели на дамите во модерното општество. Тие се сигурен метод, со помош на која една жена може да одреди кога сака да забремени и да го направи тоа во моментот во кој навистина е подготвена да биде мајка.
Според податоците 17% од претставничките на понежниот пол во репродуктивен период земаат орални контрацептиви. Ова ја направи пилулата најпопуларниот метод за заштита од несакана бременост.
Нова книга со наслов “Раѓањето на таблетите” ја раскажува неверојатната приказна на оралните контрацептиви, а самата авторка Џонатан Ејг открива некои од најинтересните факти за контрацепцијата. Еве и кои се тие:
1. Пред доаѓањето на пилулата, жените се обложувале на прилично чудни и потенцијално опасни методи за заштита од несакана бременост. Пример за тоа е поставувањето на лимонска кора во вагината.
2. Таблетите биле предложени официјално како лек за плодност. Кога пилулите биле во својата основна фаза во 1950 година, истражувачите првично ги опишувале како лек за плодност. Која сепак била причината за тоа? Во тоа време во САД се уште било нелегално да се даваат информации за контрола на наталитетот. Значи претставувањето на пилулата на тој начин било единствено со цел да се избегнат проблеми со законот.
3. Пилулите биле пуштени на пазарот како лек за проблематична менструација. Пред апчето да биде одобрено како метод за заштита од несакана бременост во 1960 година, тоа било достапно преку рецепт за жени кои имале нередовна менструација. Се разбира, многу жени без слични проблеми, барале начин да се здобијат со оралните контрацептиви.
4. Таблетите ја промениле побарувачката на градници. Неколку години по дебито на контрацептивни таблети, производителите на градници забележале нешто чудно – големината на градите на дамите се зголемила. Секако, ова не е само коинциденција, бидејќи еден од страничните ефекти на пилулата е токму поголемата биста. Од 1960 година до 1969 година продажбата на поголеми градници се зголемила за 50 отсто.
5. Плацебо седмицата е целосно непотребна. Истражувачите решиле да стават т.н. плацебо таблети во пакувањето орални контрацептиви, бидејќи стравувале дека ако жените немаат месечен циклус, ќе го сметаат апчето за многу неприродно. Но, факт е дека како што пилулата ја спречува овулацијата, така може и целосно да го елиминира крварењето.
6. Мажите исто така пробале пилула. Мислејќи дека мешањето на одредени хормони може да влијае позитивно и на мажите, истражувачите одлучиле да ја тестираат контрацепцијата и на претставниците на посилниот пол. Експериментот бил прекинат брзо, бидејќи дел од резултатите го покажале намалувањето на тестисите и големи промени во расположението.
7. Таблетите го менуваат начинот на кој изгледаат семејствата. Веднаш по појавата на пилулата, големината на семејствата веднаш опаѓа. Пред пилулите типичната Американка имала во просек 3,7 деца, додека сега бројките покажуваат – 1,9 деца.