Како Мајкрософт ќе го промени системот на надоградби во „десетката“

Официјалното претставување на Виндоус 10 на пазарот се појави како еден од најинтересните настани кои не чекаат во технолошката индустрија во текот на годината. Последната тест верзија ни открива детали за интересна функционалност која Мајкрософт ќе ја вклучат во платформата. Благодарение на неа ќе можеме да добиеме надоградби, преку peer-to-peer врска, што е доста корисно, пренесоа Енгаџет.

За возврат, ова значи дека ќе можете да ги обновите своите уреди од другите машини, кои се поврзани на иста мрежа, во кои сте и вие. На овој начин можете да си заштедите не само непотребен сообраќај на мобилен интернет, но максимално брзо да ги надградите своите уреди, дури и ако имате неколку компјутери. Досега Мајкрософт ги обезбедува ажурирањата во форма на фирмвер надградба, но во иднина ќе имаме доста повеќе можности.

Софтверскиот гигант веќе ја купија компанијата Пандо Нетворкс пред две години, а нејзината активност е специјализирана токму во peer-to-peer врските. Се очекува Мајкрософт да ги користат токму нејзините технологии, за да ја претворат новата реалност во корисна функционалност во Виндоус 10.