(ВИДЕО) Најмалку 70 студенти загинаа во нападот врз универзитетот во Кенија

Најмалку 70 студенти се убиени, а околу 80 се повредени во денешниот напад врз универзитетскиот кампус во кенискиот град Гариса.

Претходно, министерот за внатрешни работи на Кенија, Џоузеф Нкаисери изјави дека е уапсен еден од напаѓачите.

– Еден од осомничените терористи е уапсен додека се обидувал да побегне, напиша министерот Нкаисери на социјалната мрежа Твитер.

Сомалиската терористичка организација Аш Шабаб ја презеде одговорноста за нападот.

Засега не е познато колку студенти се блокирани во кампусот, каде сомалиските терористи држат заложници и водат престрелка со безбедносните сили.