Копенхаген беше прогласен за најубав град за живеење во светот за 2013-та и најверојатно има зошто.
Жителите на главниот град на Данска умеат да балансираат меѓу напредок и традиција, меѓу поттик и безбедност, меѓу глобално и локално.
Копенхаген е симпатичен и во исто време космополитски град и макар што не е евтин за живеење и е дождлив, сепак во него има речиси сè – екосредина, мода, култура, знаменитости, убава природа, интересна архитектура, интернационална кујна, пријателски настроени луѓе, многу институции и др.
Освен тоа Копенхаген ќе ве импресионира со тоа дека е многу зелена престолнина и дека луѓето се радуваат на бројни вело-алеи насекаде.
Затоа повеќето жители на градот претпочитаат да се придвижуваат со леснотија, качени на своите велосипеди.
Секое делнично утро, околу 7 часот, данската престолнина оживува. Мажите во деловни костуми, модерно облечени жени и повеќето деца се на тркалата и тргнуваат на работа или на училиште.
Всушност, 37 отсто од сите кои живеат во Копенхаген преферираат да се движат со велосипеди и тие станаа составен дел од дизајнот на сообраќајот.
Повеќето туристи мислат дека во градот на Малата сирена се навистина супер загрижени за животната средина и затоа ги преферираат велосипедите пред автомобилите, но вистинската причина е дека велосипедот е најбрзиот и најлесен начин да се движиш низ градот (во повеќето случаи доаѓаш побрзо отколку со автомобил или автобус).
Погледнете зошто Копенхаген е градот на велосипедистите во галеријата.
