Семеен скандал избувна меѓу сегашниот лидер на францускиот екстремно десничарските “Национален фронт” Марин Ле Пен и поранешниот претседател на партијата и нејзин татко Жан-Мари Ле Пен.
86-годишниот основач на партијата беше обвинет од ќерка си во обид да и ги саботиран напорите да го изведе “Фронтот” меѓу редовите на општоприфатените популарни партии во Франција, пренесе “Ројтерс”.
Пред една недела, Жан-Мари Ле Пен даде свој коментар за минатото, според кој нацистичките гасни комори се “дел од историјата”. Во исто време Ле Пен беше цитиран како го нарекува премиерот на Франција Мануел Валц “имигрант” поради неговото шпанско потекло и дека го штити Филип Петен, лидер на владата,кој соработувал со нацистичка Германија за време на Втората светска војна.
“Жан-Мари Ле Пен очигледно има прибегнато кон стратегија на политичко самоубиство. Неговата позиција на почесен претседател не му дава право да го навредува ” Националниот фронт “со вулгарни провокации, очигледно насочени да ми наштетат на мене. Ова за жал е удар за целото политичко движење “, изјави актуелниот претседател на партијата во мислење од свое име, објавено во прес-центарот на” Националниот фронт “.
Таа додава дека ќе се спротивстави на желбата на татка си да раководи партијата во југоисточниот регион Прованс-Алпи-Азурниот брег за време на локалните избори во декември, каде што “Национален фронт” се надева да постигне високи резултати по рекордно силното претставување во локалните избори за совети на француските департмани во март оваа година.
Марин Ле Пен веќе изјави дека се дистанцира од изјавите на нејзиниот татко, откако во јуни 2014 година, Жан-Мари Ле Пен предизвика скандал со коментар дека може да ја “наполни печката” со еврејскиот изведувач Патрик Брјуел, интерпретиранп како референца за печките кои се користеле од страна на нацистите во концентрационите логори.
Марин Ле Пен вложува напори да ја ослободи анти-имигрантската партија од анти-семитскиот имиџ и да ја зајакне атрактивноста за поголем дел од гласачите, подготвувајќи се за својата претседателска кампања за изборите во 2017 година Според анкетите на јавното мислење, ако изборите беа денес, Ле Пен ќе успее да стигне до втор круг, но без големи шанси да победи.