На 26 април 1986 година во 01:23 часот експлодира реакторот №4 на Чернобил. Светот стана сведок на најтешката нуклеарна катастрофа во историјата на човештвото.
Експлозијата разгори огнот кој гореше во тек на 10 дена. Близу 300 илјади луѓе беа принудени да ги напуштат своите домови. Во меѓувреме Северна Европа беше покопена од радиоактивни материјали.
Во експлозијата загинаа две лица. Но инцидентот нанесе незамисливо тешки штета на луѓето кои се појавија денови, месеци, па дури и неколку години подоцна.
Според извештајот на “Гринпис” од 2006 година, чернобилската катастрофа доведе до повеќе од четвртина милион случаи на рак, од кои речиси 100 илјади се покажаа фатални. Во 2011 година, Сојузот на загрижените научници – невладина организација, претпоставија дека бројот на смртни случаи како последица на Чернобил ќе се движи околу 25 илјади – шест пати над прогнозата на ОН. А според Меѓународната агенција за канцерозни истражувања, инцидентот ќе им го скрати животот на 16 илјади Европејци до 2065 година
Инцидентот во северна Украина беше комбинација од неисправни градби и оперативна грешка, кои создадоа смртоносен радиоактивен облак. Реакторите на чернобилската АЕЦ беа запрени и подоцна извадени од употреба. №4 беше заграден со нестабилен бетонски кожурец.
Сега се работи на изградба на саркофаг во вредност 1,58 милијарди долари. Тука ќе чуваат остатоците на реакторот и ќе го замени застарената бетонска школка.Структурата ќе тежи 29 000 тони, ќе биде долга 164 метри, а висината ќе достигнува 110 метри. Саркофагот ќе содржи високо технолошка опрема за вршење на целосна безбедност на операциите за деконтаминација на внатрешноста на оштетената централа. Се очекува градежните работи да завршат оваа година