Човештвото треба да ја апсорбира вселената и да се насели надвор од Земјата , инаку е осудено на пропаст. Таква гледна точка изрази светскиот англиски физичар-теоретичар Стивен Хокинг на предавањето во операта во Сиднеј, цитирана од агенција ТАСС.
“Ние треба да продолжиме да ја истражуваме вселената заради иднината на човештвото. Јас не верувам дека ќе преживееме следниот милениум, ако не се упатиме надвор од границите на нашата кревка планета!”, изјави научникот.
Хокинг комуницираше со австралиската публика во операта во Сиднеј со помош на холографска технологија од својата канцеларија во Кембриџ. На крајот на предавањето научникот даде некои насоки на насобраните во салата. “Гледајте нагоре кон ѕвездите, а не надолу под нозете!”
“Обидете се да го сфатите она што го гледате и замислете се за тоа зошто постои универзумот. Бидете љубопитни и колку и да е тежок животот, секогаш во него може да се постигне нешто. Важно е да не се предавате!”, ја советуваше публиката научникот.
Физичарот постојано го предупредувал светското научно општество за опасностите кои во иднина го демнат човештвото . Во месец февруари тој рече дека луѓето се обврзани да се колонизираат други планети, за да го “осигураат” постоењето на својот вид. Ова може да се покаже како единствениот начин за зачувување на човештвото, тврди Хокинг.