73
Sharp како еден од најстарите јапонски брендови успешно ја одржува традицијата на квалитетна технологија и во модерното време со нови смартфони меѓу кои е и Sharp Aquos Crystal 2 кој доаѓа како надополнување на bezzel-less концептот со употреба на супер тенка рамка околу екранот.
Aquos Crystal 2 покрај примамливиот дизајн нуди и 5.2 инчен S-PureLED дисплеј со 720p HD резолуција, работи на четири-јадрен Qualcomm Snapdragon 400 процесор, 2 GB RAM доволен за мултитаскинг, 16 GB мемориски простор кој може да се надополни со 128 GB преку microSD картичка, како и батерија со капацитет од 2030 mAh доволна за целодневна активна работа.
Телефоните како Aquos Crystal 2 за жал се ограничени само за јапонскиот пазар, но со засилената промоција во последно време и будењето на интересот кај голем број фанови на технологија нема да не изненади доколку Sharp се реши и за интернационален пласман.