Руски фронтовски бомбардери “Су-24″ го принудиле американскиот брод “Рос” да се врати назад во неутрални води откако вршел заканувачки маневри информира Газета.ру.
“Екипажот на бродот се однесувал провокативно и агресивно, што предизвика загриженост на операторите во следење на бродови од Црноморската флота, кои ги извршувале своите обврски во Црното Море. Повикан е екипажот на бомбардери “Су-24″, кои ја покажаа на Американците подготвеноста строго да се бранат интересите на земјата “, информира изворот.
Според него, по маневрите на борбените авиони пловниот објект на САД влегол во неутрални води во источниот дел на Црното Море.
Ден потоа Пентагон негираше за паника на одборот на USS “Ross” протеран од руски Су-24
Официјален претставник на Министерството за одбрана на САД изјави дека не е забележана никаква необична активност во Црното Море, пренесоа агенциите. Повод за изјавата се вчерашните пораки на новинските агенции дека авиони од ВВС на Русија го принудиле американскиот разурнувач USS “Ross” да се повлече од морските граници на Руската Федерација.
Пентагон негира каква и да била вонредна активност на воздухопловните сили на Русија во Црното Море, каде што сега се наоѓам бродот од морнарицата САД -“Ross”, изјави прес секретарот Ајлин Лавови, цитирана од светските агенции.
“Морнарицата на САД врши редовни секојдневни задачи во Црното Море во согласност со нормите на меѓународното право”, изјави уште претставникот на Пентгон. Според зборовите на Лајонс, за време на целиот престој во Црното Море бродот се наоѓал во меѓународни води, а за неговото пристигнување било соопштено навремено.
Информациите од саботата гласеа, дека ловци Су-24 од составот на руската Црноморска флота, со седиште во Севастопол, го принудиле USS “Ross” да се повлече во неутрални води.
Според извори од безбедносните сили во Крим, цитирани од РИА Новости, екипажот на американскиот брод имал провокативно однесување кое предизвикало загриженост на операторите на станиците за следење и на екипажите на бродовите од Црноморската флота на Русија. Затоа била оддадена наредба за кревање во воздух на авиони Су-24.